الدنيا هاذي عالمرا مبنيّة
هي أساس الدار هي الكل
هي عرص البيت هي البيّة
لكل المصاعب واجدة للحل
أمّي وأمّك وأمّنا جمليّة
هي فهيمة محكّمة العقل
وهي حكيمة وصامدة وقويّة
على أكتافها قدّاش هازّة حمل
قبل الشمس تنوض مالفجرية
تعجن وتخبز خُبزها وتْبِلْ
ولصغارها متجندة وقويّة
لايوم تشكي تعابها لا تْمِل
هي هي المرا التونسية
هي الأمّيمة يخلّاها ليّا
وخيتي الحنّانة وصيّة والديّا
هي العشيرة الّي تونّس فيّا
بنتي ونور عيني والغالية عليّا
في بلادنا nساوين كيف البيّة
همّة وكرامة وزين كيف اطّلّ
تقولش قمر في ليلة شتويّة
على وجّها المتقفّلة تتحل
واليوم إنشد عالمرا التونسيّة
تلقى صداها وين ما مشت وتْهِل
تهوى الرّيادة وأصلها حربيّة
وأسأل عليها دول ماهي دول